გააბედნიერეთ საკუთარი მამაკაცი

თუ თქვენი მამაკაცი ბედნიერია, თქვენც ბედნიერი ხართ, რადგან ის იზრუნებს თქვენზე. თუმცა ალბათ ბევრმა ქალმა არ იცის რა სჭირდებათ მამაკაცებს ბედნიერებისთვის.  როგორც წესი, ძლიერი სქესი თავის გრძნობებზე საუბარს ერიდება, ამიტომ რთულია ამოიცნო რა აბედნიერებთ მათ. ამერიკელი ფსიქოლოგების მიერ წარმოდგენილი 6 პუნქტი დაგეხმარებათ მათი ფსიქოლოგიის გამოცნობაში:

1.მამაკაცს სჭირდება, რომ თქვენ იყოთ ბედნიერი – როდესაც მამაკაცი გრძნობს, რომ მის გვერდით ბედნიერი ხართ, ამით ისიც ბედნიერია.

2.მამაკაცს სჭირდება მოსმენა – როდესაც რაღაცის მოყოლა სურს, აუცილებლად მოუსმინეთ, რადგან სინამდვილეში მათ დიდი ძალისხმევა სჭირდებათ იმისთვის, რომ საკუთარი პრობლემა გაგიზიაროთ.

3.მამაკაცს სჭირდება დაფასება – მამაკაცები ურთიერთობას გაცილებით უფრო სერიოზულად აღიქვამენ, ვიდრე ჩვენ წარმოგვიდგენია. როდესაც ის რაიმეს აკეთებს თქვენთვის და ამას არ უფასებთ, ეს მის განწყობაზე სერიოზულად აისახება.

4.კაცებს სჭირდებათ თავი იგრძნონ გმირებად – მათ სურთ თავიანთი პარტნიორი აფასებდეთ. როდესაც მას აქებთ, ამით ძალიან აბედნიერებთ.

5.კაცებს სჭირდებათ, რომ პატივი სცეთ მათ ინდივიდუალიზმს – მამაკაცს ძალიან აწუხებს ის მომენტი, როდესაც  თავს დამოუკიდებლად ვერ გრძნობს. მას აუცილებლად უნდა მისცეთ თავისუფლება.

6.მამაკაცებს სჭირდებათ სულ ცოტა რამ – ნუ გაართულებთ, ბედნიერებისთვის მამაკაცს სჭირდება სექსი და სენდვიჩი. ანუ თუ მას აქვს თქვენგან სითბო და საკვები, ჩათვალეთ ის ბედნიერია.