10 საჩუქარი, რომლებსაც წარუმატებლობა მოაქვთ

ყველას ბევრი გვიფიქრია იმაზე, თუ რის ჩუქება შეიძლება გაუხარდეს ჩვენს საყვარელ ადამიანებს, მაგრამ ალბათ ცოტა თუ დაფიქრებულა, რამდენად იქნება ესა თუ ის საჩუქარი მათთვის წარმატების მომტანი. ეზოთერიკები გვთავაზობენ იმ ნივთების ჩამონათვალს, რომლებიც უარყოფითი ენერგეტიკის მატარებელნი არიან და ეს ნეგატივი სწორედ ჩუქების პროცესში აქტიურდება. ასე რომ, სანამ საყვარელ ადამიანს საჩუქარს შეურჩევდეთ, ამ სიას გადახედეთ.

1. დანა, მაკრატელი და სხვა ბასრი ნივთები. ასეთ ნივთებში ძალიან ცუდი ენერგია ბუდობს და მათ წარუმატებლობა მოაქვთ იმ სახლის ყველა ბინადრისთვის, რომელშიც ასეთი საჩუქარი შედის.
2. საათი. ჩინეთში, მაგალითად სჯერათ, რომ ნაჩუქარი საათი ადამიანის სიკვდილის ათვლას იწყებს. გარდა ამისა, შეიძლება გამოიწვიოს კონფლიქტური სიტუაციის შექმნა იმ ადამიანთან, ვისაც ვჩუქნით.
3. წიგნები. შეყვარებულისთვის ასეთი საჩუქრის გაკეთებას ეზოთერიკოსები არ გვირჩევენ. მან შესაძლოა ღალატის პროვოცირება გამოიწვიოს.
4. ჭურჭელი. მიიჩნევა, რომ ცარიელი ჭურჭლის ჩუქება საფრთხეს უქმნის მატერიალურ კეთილდღეობას, მაგრამ თუ მასში რაიმეს ჩავდებთ, მაგალითად, ფულის მონეტას, პირიქით იღბალს მოიზიდავს.
5. საფულე. საფულის არც გაჩუქებას და არც საჩუქრად მიღებას არ გირჩევთ. ამან შესაძლოა ფინანსურ საკითხებში წარუმატებლობა მოგიტანოთ. განსაკუთრებით თუ საფულე ცარიელია.
6. ცხვირსახოცი. კიდევ კარგი, რომ ცხვირსახოცის ჩუქება მოდიდან გადავიდა. ყველა ნივთი, რომელიც თქვენთან ,,მოდის“, თითქოს გამოყენებას ითხოვს. ცხვირსახოციც ,,იზრუნებს“ იმაზე, რომ ცრემლების მოსაწმენდი მიზეზი მოგცეთ.
7.  მარგალიტი. ძველი ლეგენდების თანახმად, მარგალიტი ქვრივისა და ობლის ცრემლების სიმბოლოა, შესაბამისად, ავადმყოფობა, ცრემლი და დანაკარგი მოაქვს.
8. სამედიცინო ნივთები და აღჭურვილობა – ყველაფერი, რაც ავადმყოფობასთან არის კავშირში. ასეთი რამეები ადამიანს მუდმივად დაავადებებს გაახსენებენ და შეიძლება დაავადების პროვოცირებასაც შეუწყონ ხელი.
9. ფული. ასეთი საჩუქრის ვინმესთვის გაკეთება ისევ თქვენზე იმოქმედებს უარყოფითად. ფულს შესაძლოა თქვენი ფინანსური იღბალიც გადააყოლოთ.
10. სარკე. ეს საგანი ყოველთვის მისტიურად მიიჩნეოდა და უარყოფით ენერგეტიკას პირდაპირ ისრუტავს, რომელიც თან გადააქვს ყოველ ახალ სამყოფელში. ამიტომ არც საყვარელი ადამიანისთვის გირჩევთ ანტიკვარი სარკის შეძენას და არც თქვენ გირჩევთ ვინმეს მიერ შემოთავაზებული ასეთი საჩუქრის მიღებას.