გემრიელი პიცა რომ გამოგვივიდეს

ალბათ პიცა ყველასათვის საყვარელი საკვებია, მაგრამ ზოგს შეიძლება გემრიელი პიცა არ გამოსდის. ამიტომ მე გასწავლით რეცეპტს, რომლითაც თქვენი პიცა უგემრიელესი გამოვა და აღარ მოგიწევთ პიცის მირთმევა გამოძახებით. ეს რეცეპტი თვითონ მოვიგონე და მერწმუნეთ უგემრიელესია, ბევრჯერ მაქვს დაგემოვნებული.

     საჭირო პროდუქტები:

• ძეხვი ( უმჯობესია მოხარშული ხბოს ან ქათმის ხორცი );
• ყველი ( უმჯობესია უმარილო );
• ტომატის პასტა;
• პომიდორი
• ხახვი;
• მწვანილი ( ოხრახუში და რეჰანი );
• პილპილი;
• ბულგარული ( წითელიც და მწვანეც );
• მაიონეზი;
• წიწაკა;
• მარილი.

ცომი გავაბრტყელოთ ზეთწასმულ ტაფაზე რაც შეიძლება თხლად, ზემოდან წავუსვათ ტომატის პასტა ( ძალიან თხელი არ უნდა იყოს ). პომიდორი დავჭრათ რაც შეიძლება თხლად და დავალაგოთ ზემოდან. ამის შემდეგ, ძეხვი დავჭრათ პატარა კუბიკებად, ხოლო თუ ძეხვის მაგივრად ვიხმართ მოხარშულ ხბოს ან ქათმის ხორცს, მაშინ დავჩლითოთ და მოვაყაროთ პიცის ცომს. გავხეხოთ ყველი და მოვაყაროთ. შემდეგ ხავხი, პილპილი და ბულგარული დავჭრათ ძალიან თხლად და მოვაყაროთ ცომს. ასევე დავჭრათ მწვანილებიც ( ეცადეთ წვრილად იყოს დაჭრილი ) და მოვაყაროთ. ამის შემდეგ, მაიონეზს თავი მოვაჭრათ ძალიან პატარაზე და მოვასხათ ცომს. ზოგ მაიონეზს აქვს თავისი გასახსნელები, მაგრამ იმ გასახსნელიდან არ მოასხათ, რადგან სქელი გამოვა. ბოლოს მოაყარეთ წიწაკა ( შავიც შეიძლება და წითელიც, მაგრამ მე წითლით ვაკეთებ ხოლმე, უფრო გემრიელი მეჩვენება) თქვენ თუ გინდათ, ათქვეფილი კვერცხიც მოასხით თავზე და დაჭრილი ზეთისხილიც მოაყარეთ, მაგრამ პირადად მე კვერცხიანი და ზეთისხილიანი პიცა არ მომწონს.

      იმედია ჩემი პიცასავით გემრიელი გამოგივათ. წარმატებები!