როგორ მოვამზადოთ შოკოლადის პასტა ნუტელა (Nutella)?

ბევრი ჩვენთაგანი დიდი სიამოვნებით მივირთმევდით ნუტელას ყოველი საკვების მიღებისას. მისი დამზადება შესაძლებელია სახლის პირობებშიც. თუ გავუყვებით ამ რეცეპტს, დაამზადებთ თითქმის მსგავს პასტას როგორიცაა ნუტელა. განსხვავება მხოლოდ იქნება ხელოვნურ არომატიზატორების, გამასქელებლის და კონსერვატების უქონლობაში. სცადეთ დამოუკიდებლად გააკეთოთ ეს ტკბილეული თქვენი ოჯახისთვის.

რა დაგვჭირდება?

• კაკაო – 4 სადილის კოვზი
• შაქრის პუდრა – 0,5 ჭიქა
• მშრალი რძე – 3 სადილის კოვზი
• რძე – 150 მლ.
• მიწის თხილი – 3 სადილის კოვზი
• კარაქი – 1 შეფუთვა
• ვანილი 

რაიმე ჭურჭელში მოვათავსოთ კაკაო, პუდრა, მშრალი რძე, ვანილი და ავურით ეს ყველაფერი. ასევე შესაძლებელია შაქრის პუდრა შევცვალოთ შაქრით და მშრალი რძე, კი – ხორბლის ფქვილით. მაგრამ თუ გვსურს რომ მივიღოთ ნუტელას გემო, მაშინ უმჯობესია არაფერი შევცვალოთ.

თანდათანობით ჩავასხათ რძე და პარალელურად ვურიოთ ისე, რომ არ დარჩეს კოპები. ამ ეტაპზე ჭურჭლის არომატული შემცველობა ძალიან დაემსგავსება შოკოლადის რძეს.

შემდგომ ეს გადავასხათ ქვაბში და დავდგათ დაბალ ცეცხლზე. თან ვურიოთ სანამ არ ადუღდება. დავაკვირდეთ რომ მიღებული პასტა არ დაიწვას და არ მიეკროს ქვაბს.

შემდგომ დავფქვათ თხილი, ჩავყაროთ პასტის მასაში და დავამატოთ კარაქი. დავტოვოთ დაბალ ცეცხლზე და თან ვურიოთ, სანამ არ გასქელდება. თუ თხილის ნაცვლად გამოვიყენებთ არახისს, მაშინი საბოლოო გემო არ დაემსგავსება ნუტელას.

მოვხსნათ ცეცხლიდან და გავაციოთ. გამოვა ძალიან გემრიელი, შეგიძლიათ შეინახოთ მაცივარში, თუ იმ დღესვე არ მიირთმევთ მთლიანად. :)