ზოდიაქოს მეცამეტე ნიშანი დაემატა

თუ ერთ დღესაც მეგობარმა ხასიათი დაგიწუნათ და თან მრავალმნიშვნელოვნად დასძინა- რა გასაკვირია, შენ ხომ კურო ხარ, ან სულაც მშვილდოსანიო, შეგიძლიათ, უფრო მრავალმნიშვნელოვნად მიუგოთ-სულაც არა, მე ქალწული ვარო..
მეგობარი დაიბნევა, დაბადების თარიღი ხომ არ შემეშალაო. არ შეშლია, უბრალოდ, ზოდიაქოს ნიშნებს, მეცამეტე- გველისმჭერელი დაემატა. ამან კი არსებულ ნიშნებს შორის გადანაცვლება გამოიწვია.

თუ ადამიანის დაბადების დღეს, მზე, მაგალითად, ტყუპების ზოდიაქოში იმყოფებოდა, ესე იგი ეს ადამიანი ტყუპებია. მაგრამ დროთა განმავლობაში, პლანეტებმა და ვარსკვლავებმა განლაგება შეიცვალეს. ზოდიაქო კი იგივეა. ეს კი უზუსტობას იწვევდა და ასტროლოგებმა ახალი, მეცამეტე ნიშანი დაამატეს და თარიღებიც გადაანაწილეს. ასე მაგალითად:

თხის რქა:    20 იანვარი-16 თებერვალი
მერწყული:   16 თებერვალი-11 მარტი
თევზები:      11 მარტი_18 აპრილი
ვერძი:         18 აპრილი_ 13 მაისი
კურო:         13 მაისი-21 ივნისი
ტყუპები:      21 ივნისი-20 ივლისი
კირჩხიბი:     20 ივლისი_ 16 აგვისტო
ლომი:         10 აგვისტო_ 16 სექტემბერი
ქალწული:    16 სექტემბერი_30 ოქტომბერი
სასწორი:      30 ოქტომბერი_23 ნოემბერი
მორიელი:     23 ნოემბერი_ 29 ნოემბერი
მშვილდოსანი 17 დეკემბერი 20 იანვარი

29 ნოემბრისა და 17 დეკემბრის მონაკვეთში კი გველისმჭერელის ნიშანმა მოიკალათა.

აი, სად იყო ძაღლის თავი დამარხული! ალბათ ყველა გაიხსენებთ, ასტროლოგიურ პროგნოზს, რომელიც არ გამართლდა! თურმე რას გამართლდებოდა, გადანაცვლებულან ვარსკვლავები. ლომის სამსახურეობრივ რომანს რომ ქალწულს გამოუცხადებ და თევზების ნაცვლად კუროს დაფეხმძიმებას ურჩევ, ესაა სამართალი? ამიერიდან ყველაფერი გასწორდა და ახალი სქემის მიხედვით მოისმინეთ და გაითვალისწინეთ პროგნოზები.

ის იყო გველისმდამჭერობა დავიჯერე, რომ ასტრონომებმა ცხელი წყალი გადამასხეს. მათი აზრით: ,,შეიძლება ვარსკვლავების განლაგებას გავლენა ჰქონდეს მოსავალზე, ამინდზე, მაგრამ არა ადამიანის პიროვნულ თვისებებზე,,. გასაკვირიც არ არის მათი ასეთი დამოკიდებულება. ასტრონომებს არასოდეს ჰქონიათ კარგი წარმოდგენა ასტროლოგებზე და მათ მოძღვრებებზე.

როგორც წესი, ასტროლოგები გვეკითხებიან ხოლმე: ,,მშვილდოსანო, რატომ გარბიხარ ყველა სიტუაციიდან?,, ,,ვერძო, რათ ხარ ასეთი არაჩვეულებრივი?,,

ამჯერად, მე ვეკითხები მათ: პატივცემულებო, დღემდე მეგონა, რომ მშვილდოსანი ვიყავი, თურმე გველისმჭერელი ვარ.. რა ვქმნა ახლა მე? ადრე რომ წარმატებას იმ მშვილდოსანის სიძლიერეს ვუმადლოდი და მარცხსაც მას გადავულოცავდი ხოლმე, ახლა როგორ მოვიქცე? როგორ გავიგო, ვინ ვარ მე და რასრას ჰგავს ეს?

ამასობაში ჩამოოიარა იუპიტერის ეტლმა. ადგილები აღარ არის, მაგრამ გამიჩერეთ რა, დავდგები!