ვერძი

დაბადების თარიღი – 21 მარტი – 19 აპრილი

ელემენტი – ცეცხლი

მმართველი პლანეტა – მარსი

ვერძის ძირითადი დამახასიათებელი თვისებაა, – დინამიკა. იდეების მიმართ იგი ან ენთუზიაზმითაა აღსავსე, ან პირიქით, – სრულიად გულგრილია. მისთვის შუალედი არ არსებობს. თუ რაიმე ჩაიდო გულში, ტყუილად ეცდებით გადააფიქრებინოთ, რადგან თქვენ მხოლოდ დაკარგავთ დროს. კონფლიქტებისა არ ეშინიან და ყოველთვის მზადაა მოყვასის მიმართ დახმარების გაწევისათვის, თუნდაც კრიტიკულ და საშიშ სიტუაციაშიც კი. ასევე მზადაა გმირობისათვის, მხოლოდ მეტად პატივმოყვარეა და უყვარს აღიარება და ქება. მოქმედებს დამოუკიდებლად და ბეჯითად. ცდილობს ყველაფერში პირველი გახდეს, ამიტომაც იჩენს იგი მუდმივ ინიციატივას და კარგი ორგანიზატორიცაა, თუმცა შეიძლება “დიქტატორობაშიც” კი გადავარდეს. ვერძებს მოსწონთ ფათერაკები და თავგანწირვა. დიდხანს არ იღლებიან. სნეულებას ფეხზე იტანენ და მხოლოდ ძალაგამოცლილები თუ წაიქცევიან.

ვერძის უარყოფითი თვისებები:

• სიჯიუტე
• აგრესიულობა
• ეგოიზმი.

ვერძის დადებითი თვისებები:

• ვაჟკაცობა
• უშიშარობა
• აქტიურობა
• გაბედულობა
• პასუხისმგებლობა